.svg.png)
-បន្តប្រគល់សិទ្ធិអំណាចការទទួលខុសត្រូវជូនគ្រូបង្រៀនដឹកនាំ ការប្រលងឆមាសតាមថ្នាក់ តាមមុខវិជ្ជាដែលខ្លួនបានបង្រៀនផ្ទាល់ និងមិនយកពិន្ទុប្រលងឆមាសទៅបូកជាមួយពិន្ទុប្រលងថ្នាក់ជាតិទេ ប៉ុន្តែយកជាបេក្ខភាពប្រលង ហើយមិនចាំបាច់មានការប្រលងឡើងវិញចំពោះបេក្ខជនដែលមានពិន្ទុ ប្រចាំឆ្នាំធ្លាក់មធ្យមភាគ។
-បន្តប្រមូលផ្តុំមណ្ឌលប្រលងនៅទីរូមរាជធានី និងទីរួមខេត្តដោយយកគ្រឹះស្ថានសិក្សាគ្រប់ប្រភេទ ចាប់ពីបឋបមសិក្សាឡើងទៅ ទាំងសារធារណៈ ទាំងឯកជនធ្វើជាមណ្ឌលប្រលង។ ក្នុងករណីខេត្តណាដែលមិនអាចអនុវត្តបាន ត្រូវប្រមូលផ្តុំនៅទីរួមស្រុកដែលនៅជិតទីរួមខេត្តជាងគេ។
-ធ្វើការសម្របសម្រួលសមាសភាពនិយាមប្រើប្រាស់គណៈមេប្រយោគមួយចំនួន និងស្នើសុំគោលការណ៍ឧបត្តម្ភមេប្រយោគយ៉ាងតិចឲ្យបានស្មើឆ្នាំ២០១៤ ។
-បន្តរៀបចំប្រធានវិញ្ញាសារ៧មុខវិជ្ជា និងមាន២ទម្រង់ គឺទម្រង់ចែកជូនបេក្ខជន និងទម្រង់កត់លើក្តាខៀន ហើយបេក្ខជនម្នាក់ៗត្រូវបានចែកក្រដាសប្រលងឲ្យដើម្បីសរសេរចម្លើយ។
-បន្តស្នើសុំកិច្ចសហការជាមួយអង្គភាពប្រឆាំងអំពើពុករលួយ ក្នុងការចូលរួមសង្កេតការណ៍ដំណើរការប្រឡង ចាប់ពីដំណើរការសំណេររហូតដល់ពេលប្រកាសលទ្ធផលប្រឡង។
-មិនចាំបាច់រៀបចំឲ្យមានការប្រឡងលើកទី២ទៀតទេ លើកលែងតែមានករណីប្រធានសក្តិ។
ដើម្បីឲ្យការប្រឡងប្រព្រឹត្តទៅប្រកបដោយគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ក្រសួងអប់រំយុវជននិងកីឡាអំពាវនាវដល់សិក្សានុសិស្សថ្នាក់ទី១២ ទាំងអស់ ត្រូវខិតខំរៀនសូត្រ និងជឿជាក់លើសមត្ថភាពខ្លួនឯងផ្ទាល់ ដើម្បីទទួលបានលទ្ធផលល្អនៅពេលប្រឡងក្នុងខែសីហាខាងមុខ។ សូមបញ្ជាក់ដែរថា ដើម្បីទទួលបានព័ត៌មានថ្មីៗ ឬសាកសួរ និងបញ្ចេញយោបល់ពាក់ព័ន្ធនឹងការប្រលងខាងលើ សិស្សានុសិស្សនិងសាធារណជនអាចទំនាក់ទំនងតាមបណ្តាញសង្គមផ្លូវការណ៍ របស់ក្រសួងអប់រំយុវជននិងកីឡា ដែលមានអាស័យដ្ឋាន www.facebook.com/moeys.gov.kh៕ (ដោយ៖អ៊ុន សុខឡា)
